Почна првиот Национален форум на Цивика мобилитас
Граѓанскиот ангажман и волонтерството се темата на првиот Национален форум на Цивика мобилитас што започна денес во 11 часот во Младинскиот културен центар (МКЦ) во Скопје.
„Волонтерството е во фокусот на денешниот ден, затоа што тука е силата за мобилизација на целото граѓанско општество од кое се очекуваат општествените промени“, рече Александар Кржаловски, прв извршен директор на МЦМС и Национален лидер на тимот на Цивика мобилитас на отворањето на Форумот.
Од името на Младинскиот културен центар Битола, на присутните им се обрати Златко Талевски. Тој истакна дека МКЦ е долгорочно посветен на развојот на волонтерството во Македонија. „Сакам да му одадам признание на тимот на Цивика мобилитас за организација на овој настан затоа што за прв пат на едно место се собрани сите организации и институции кои работат со волонтери. Зголемувањето на нашата меѓусебна соработка ќе придонесе да се развива волонтерството во Македонија“, реле Талевски и заврши со идејата што го води МКЦ во развивањето на волонтерството: „Волонтерството не е само бесплатна работа, волонтерството креира и развива“.
На присутните им се обратија и Ѓоко Волкановски од Волонтерскиот центар Скопје кој оваа година слави 10 години од основањето и Никица Кусеникова, од Националниот совет за развој на волонтерство.
Форумот се состои од неколку настани посветени на волонтерството (доделување награди за волонтерство, дебата) и саем на општествени промени. Програмата на Националниот форум завршува во 20.30 часот.
Националниот форум Цивика мобилитас го организира заедно со нејзините институционални грантисти: Анима мунди, Меѓаши и Солидарност; акциски грантисти: Црвен крст на град Скопје и Диверзити медиа како и со Волонтерскиот центар Скопје; МКЦ-Битола; Националниот младински совет на Македонија; Национален совет за развој на волонтерството; Сојуз на извидници на Македонија.
Галерија на фотографии од настанот можете да погледнете на следниов линк: https://www.facebook.com/media/set/?set=a.1926838620875284.1073741843.1784697035089444&type=3
Денес (18 ноември 2014 година), во Младинскиот културен центар (МКЦ) во Скопје беше промовирана новата фаза на програмата Цивика мобилитас која им е наменета на граѓанските организации и другите актери на граѓанското општество и ќе трае четири години.
Објавен е третиот и последен повик за институционални грантови во оваа фаза на Цивика мобилитас. Повикот се однесува на граѓански организации кои се регистрирани во Македонија согласно Законот за здруженија и фондации (2010), а ќе биде отворен до 31 октомври 2016 година, до 16 часот кога треба да бидат примени сите пријави, вклучително и оние донесени лично или испратени по курирска служба или по пошта.
На 30 март 2015 година, во МЦМС се одржа првиот информативен состанок со добитниците на институционални грантови од програмата Цивика мобилитас.