Вонреден билтен за справување со КОВИД-19 пандемијата
Прочитајте го првиот Вонреден билтен за справување со коронавирус пандемијата кој се однесува на периодот од 6 до 12 април и останете во тек со активностите кои ги преземаат организациите.
Голем број граѓански организации наоѓаат нови начини за да ги поддржуваат нивните заедници за време на кризната состојба, како на локално така и на национално ниво. Ние во првиот број издвоивме четири од нивните стории.
Во меѓувреме продолжете да го следите и да пријавувате новости во прегледот на активности на граѓанските организации поврзани со КОВИД-19. Само во текот на минатата недела базата ја збогативме со 86 нови пријави, со што надминавме 250 записи.
На сите кои ја користат алатката им благодариме на поддршката и се надеваме дека нивната проактивност значи дека алатката навистина им користи во овие моменти.
Заврши проверката на административната усогласеност и подобност на пријавите. Се очекува добитниците на акциските грантови да бидат познати кон средината на јули, по што ќе бидат известени сите пријавени организации.
„Семејството на грантисти на Цивика мобилитас, од денес се зголеми за 22 нови членови и сега брои вкупно 115 организации“, рече Александар Кржаловски, прв извршен директор на МЦМС и Национален лидер на тимот на Цивика мобилитас на денешната промоција на новите акциски, мали и ад хок грантисти на Цивика мобилитас.