Дваесет нови институционални грантови од Цивика мобилитас
Направен е прелиминарниот избор за институционални грантисти на вториот повик за институционални грантови на Цивика мобилитас. Потенцијални добитници добитници се:
Еколошко друштво „Планетум“ Струмица; Еколошко здружение –Движење „Еко герила“ Тетово; Здружение за критички пристап кон родот и сексуалноста „Субверзивен фронт“ Скопје; Здружение за развој и активизам „Аква“ Струга; Здружение за развој на медиуми „Онлимит-Медиа“ Скопје; Институт за демократија „Социетас цивилис“ Скопје; Институт за човекови права Скопје; Коалиција на здруженија на граѓани „Сите за правично судење“ – Скопје; Коалиција Сексуални и здравствени права на маргинализирани заедници Скопје; Македонско здружение на млади правници – МЗМП Скопје; Младински културен центар – Битола; Младински образовен форум Скопје; Младински сојуз – Крушево; Мултикултура – Тетово; Совет за етика во медиумите на Македонија „Етика прес“ Скопје; Фондација за локален развој и демократија „Фокус“, Велес; Фондација за поддршка на претприемништво на жени и млади „Егалите“, Камењане, Боговиње; Хуманитарно и добротворно здружение на Ромите „Месечина“ – Гостивар; Центар за интеркултурен дијалог Куманово; и Центар за истражувачко новинарство „СКУП – Македонија“.
Новите грантисти дејствуваат во седум различни сектори и тоа најмногу во секторите на доброто владеење (и човекови права) и деца, млади и студенти, но и во секторите за информации и комуникации (медиуми), животна средина, меѓуетнички односи, ЛГБТИ и вработување. Половина од грантистите се организации регистрирани во Скопје, кои дејствуваат на национално ниво; четири организации од полошкиот регион, две од пелагонискиот, а по една организација од североисточниот, југозападниот и вардарскиот регион. Вкупниот износ на грантовите нема да надмине 65.000.000 денари.
На повикот што беше отворен до 15 јануари 2016 г. беа поднесени 126 пријави за институционален грант, а претходно во декември 2015 година беа одржани пет информативни сесии, на кои учествуваа над 80 претставници на вкупно 64 граѓански организации.
Дваесетина претставници на граѓански организации учествуваа во работата на регоналниот форум на Цивика мобилитас што се одржа на 25 јуни 2015 година во Културниот дом „Григор Прличев“ во Охрид. Темите за кои разговараа беа: учество во носењето одлуки на локално ниво; младински ангажмани; управување со отпад; екологија; мигранти; животни без дом, без грижа.
МЦМС ја заврши проверката на административниот квалитет и на подобноста на пријавите за 
Здружението на новинарите на Македонија, светскиот ден за човекови права 10-ти декември го одбележа со тематски форум на тема: „Безбедноста и слободата на новинарите во Македонија“. На настанот учествуваа министерот за внатрешни работи Оливер Спасовски, министерката за информатичко општество Марта Арсовска Томовска, Народниот правобранител Иџет Мемети, а во работниот дел свои излагања имаа новинарот Томислав Кежаровски, претседателката на новинарскиот синдикат Тамара Чаусидис, директорката на Советот за етика Марина Тунева, раководителката на програми на МИМ Весна Никодиноска и првиот човек на ЗНМ, Насер Селмани.