Цивика мобилитас ги промовираше последните 24 грантисти
Цивика мобилитас денес (22 декември 2017 година) во х. Арка во Скопје ги промовираше новите мали и ад хок грантисти. „Денес ги доделуваме последните 24 грантови во оваа фаза на програмата. Во изминатите три години, доделивме 221 грант за 212 организации, осум стипендии е еден грант за практикантство“, рече во своето обраќање Александар Кржаловски, Национален водач на тимот на програмата и прв извршен директор на МЦМС.
Амбасадорката на Швајцарија во Македонија, нејзината екселенција Сибил Сутер Тејада им ги врачи договорите на грантистите. „Во последните две години видовме големи политички и општествени промени во земјата, секако голем дел од заслугата за нив оди на сметка на граѓанското општество“, рече таа и додаде дека е задоволна што некои од грантистите на Цивика мобилитас беа предводници на тие процеси. Таа потенцираше дека беа вклучувањето на секој граѓанин, општествените и политичките промени немало да се случат. Амбасадорката Сутер Тејада исто така објави дека Швајцарија ќе продолжи да го поддржува граѓанското општество и во следните четири години.
Вкупно 7 организации добија мали акциски грантови наменети за поддршка на граѓанските организации кои сакаат да ги промовираат нивните каузи и активности со вкупен буџет од над 2,7 милиони денари. Планираните активности се насочени кон маргинализирани групи луѓе, кон земјоделците, кон младите во образовниот процес и кон јакнење на свеста на граѓаните во користење на обновливи извори на енергија..
На настанот беа промовирани и 17 ад хок грантисти чиј буџет изнесува над 5,3 милиони денари. Овие организации, низ нивните активности во фокус ќе ги стават миграциите, родовите прашања, јавните финансии, правосудството и човековите права, животната средина, децентрализацијата и учеството на граѓаните во креирање на политики на локално ниво, лицата со хендикеп итн.
Организациите добитници се од Скопскиот, од Југозападниот, од Пелагонискиот, од Североисточниот, од Источниот и од Југоисточниот регион.
Новата поддршката за граѓанските организации и другите актери на граѓанското општество преку програмата Цивика мобилитас на Швајцарската агенција за развој и соработка (SDC) започна во октомври 2014 година и ќе трае до септември 2018 година. Буџетот на програмата изнесува околу осум милиони швајцарски франци.
Под ова мото се одвиваше регионалниот форум на Цивика мобилитас за полошкиот и скопскиот регион што се одржа во просториите на Универзитетот на Југоисточна Европа (УЈИЕ) во Тетово на 25 октомври 2016 година. Вкупно 62 претставници на граѓански организации, граѓански иницијативи, медиуми и институции разговараа не само за загадувањето кое не е нова вест во двата региони, туку за тоа како да се најдат решенија за загадената почва, вода и воздух.
Новите четири специфични акциски грантисти на Цивика мобилитас, се состанаа на 11 април 2016 година и разменија информации за истражувачко-развојните акции. Од страна на тимот на Цивика мобилитас беа презентирани намената, приоритетите и очекувањата од овие и од трите претходно одобрени грантови, како и договорните права и обврски и процесот на склучување договор.
„Во Македонија, како и во другите земји, просторот за граѓанското општество се стеснува, затоа, во Цивика мобилитас, освен финансиска поддршка, сакаме да обезбедиме и простор за дискусии“, рече Сајмон Форестер, меѓународен експерт на програмата во своето обраќање до присутните на форумот за скопскиот регион што се одржа на 23 јуни 2015 година во просториите на основното училиште „Браќа Рамиз и Хамид“ во Шуто Оризари.
Цивика мобилитас беше дел од петтиот по ред Д-фестивал, кој се одржа од 17 до 19 јули 2015 година во Стар Дојран. Во фестивалскиот камп беа одржани два настани: информативна сесија за програмата и тематски форум посветен на граѓанскиот ангажман.