ДОДЕЛЕНИ ЧЕТИРИ НОВИ МАЛИ ГРАНТОВИ ЗА ГРАЃАНСКИТЕ ОРГАНИЗАЦИИ
Комисијата за избор на грантови ги оцени концептите кои организациите ги поднесоа на повикот за мали акциски грантови на Цивика мобилитас (ЦМ-МАК-02).
Во текот на шестиот квартал, односно од 01.10.2020 до 31.12.2020 беа доставени вкупно 58 апликации, од кои четири организации се добитници на мал грант.
Добитници се следните организации:
- Здружение на граѓани Центар за Управување со Знаење Скопје со проектот „Надминување на јазот во дигиталните вештини на државната и јавната администрација (е-Администрација)“;
- Здружение за заштита и одржлив развој на животната средина РЕГИОНАЛЕН ЗЕЛЕН ЦЕНТАР Охрид со проектот „Младинско еко лето“;
- Здружение Македонско-Хрватско друштво Тетово со проектот „За чиста и здрава вода, стоп на загадувањето на водата“;
- Друштво за помош на лица со посебни потреби ЗРАК со проектот „Умеам, можам, креирам, творам“.
Проектите на новите грантисти ќе се однесуваат на деца, млади и студенти, родови прашања, образование, наука, истражување и животна средина.
Избраните организации се од различни региони во Р.С.Македонија односно од скопскиот, полошкиот, југозападниот и вардарскиот и истите за прв пат се грантисти на програмата Цивика мобилитас. Акциите ќе се спроведуваат на локално, регионално и национално ниво во период од шест до девет месеци.
Вкупниот буџет на поддржаните акции во овој повик изнесува 1.226.100 денари.
Користењето на социјалниот маркетинг за целите на граѓанските организации беше главната идеа на воведната работилница на оваа тема што се одржа на 20 и 21 април 2016 година во Скопје. На работилницата учествуваа дваесетина претставници на грантистите на Цивика мобилитас, а ја водеше Сајмон Форестер, меѓународен експерт на програмата.
Здружението на новинарите на Македонија, светскиот ден за човекови права 10-ти декември го одбележа со тематски форум на тема: „Безбедноста и слободата на новинарите во Македонија“. На настанот учествуваа министерот за внатрешни работи Оливер Спасовски, министерката за информатичко општество Марта Арсовска Томовска, Народниот правобранител Иџет Мемети, а во работниот дел свои излагања имаа новинарот Томислав Кежаровски, претседателката на новинарскиот синдикат Тамара Чаусидис, директорката на Советот за етика Марина Тунева, раководителката на програми на МИМ Весна Никодиноска и првиот човек на ЗНМ, Насер Селмани.
