Започна административна проверка на пријавите за акциски грантови
На повикот за акциски грантови АКТ-05 на Цивика мобилитас пристигнаа 108 пријави, од кои 93 беа поднесени на последниот ден, а дел и по истекот на рокот. Денес (4.3.2020г.) започна проверката за административна усогласеност и подобност на пријавите.
Се очекува да се поддржат 10 организации кои ќе бидат познати до крајот на март, по што сите пријавени организации ќе бидат известени, а со добитниците ќе бидат склучени договорите.
Повикот за акциски грантови беше објавен на 3 февруари 2020 година, а заинтересираните граѓански организации и непрофитни научно-истражувачки установи имаа можност да ги поднесат нивните пријави до 3 март 2020 година. За повикот се организираа три информативни сесии кои се одржаа на 13 и 14 февруари, а ги проследија околу 80 претставници на граѓански организации.
Цивика мобилитас ве поканува да учествувате на настаните што ќе ги организира во рамките на „Д-фестивалот“ во Дојран што се одржува од 17 до 19 јули 2015 година.
Здружението на новинарите на Македонија, светскиот ден за човекови права 10-ти декември го одбележа со тематски форум на тема: „Безбедноста и слободата на новинарите во Македонија“. На настанот учествуваа министерот за внатрешни работи Оливер Спасовски, министерката за информатичко општество Марта Арсовска Томовска, Народниот правобранител Иџет Мемети, а во работниот дел свои излагања имаа новинарот Томислав Кежаровски, претседателката на новинарскиот синдикат Тамара Чаусидис, директорката на Советот за етика Марина Тунева, раководителката на програми на МИМ Весна Никодиноска и првиот човек на ЗНМ, Насер Селмани.
