Тематски форум „Граѓаните – учесници во локалните политики“
Цивика мобилитас ви го најавува на тематскиот форум насловен „Граѓаните – учесници во локалните политики“, кој ќе се одржи на 13 ноември (среда) со почеток во 16 часот во гимназијата СОУ „Кочо Рацин“ во Свети Николе.
Во фокусот на дискусијата ќе бидат регионалните примери на соработка на локалните самоуправи со граѓанските организации и за учество во политиките на локално ниво од страна на граѓаните. На форумот ќе бидат презентирани примери на соработка и поддршка за прашања како: родово сензитивно буџетирање, младински политики и политики за поддршка на лицата со хендикеп, како и идните перспективи за вклучувањето на граѓаните и граѓанските организации во процесите на носење одлуки.
Преземи АГЕНДА
Говорници:
- Сашо Велковски, градоначалник на општина Свети Николе
- Ели Чакар, Министерство за локална самоуправа
- Ѓунер Небиу, Антико
- Бранкица Димитровска, Хендикеп плус, Крива Паланка
- Драгана Митровиќ, Медиа плус, Штип
Цивика мобилитас ќе ги покрие патните трошоци за учество на овој настан во висина на автобуска карта од соодветното место до Свети Николе.
Настанот е отворен и бесплатен за сите граѓани, а вашето присуство можете да го потврдите на helpdesk@civicamobilitas.mk
„Семејството на грантисти на Цивика мобилитас, од денес се зголеми за 22 нови членови и сега брои вкупно 115 организации“, рече Александар Кржаловски, прв извршен директор на МЦМС и Национален лидер на тимот на Цивика мобилитас на денешната промоција на новите акциски, мали и ад хок грантисти на Цивика мобилитас.
Користењето на социјалниот маркетинг за целите на граѓанските организации беше главната идеа на воведната работилница на оваа тема што се одржа на 20 и 21 април 2016 година во Скопје. На работилницата учествуваа дваесетина претставници на грантистите на Цивика мобилитас, а ја водеше Сајмон Форестер, меѓународен експерт на програмата.
Регионалниот форум за соработка на граѓанските организации и активисти од Плагонискиот и Југозападниот регион се одржа 24 јуни 2016 година, во Порта Џез- Битола како дел од програмата на 15-тот издание на фестивалот „Битола отворен град 2016“.
Што значи и зошто е важна мобилизацијата на заедницата, која е целта, мотивот и каква е улогата на граѓанските организации? Овие прашања беа само дел од воведните излагања и дискусиите кои се развија на тематскиот форум на Цивика мобилитас кој се одржа на 13 октомври 2016 година во Едукативниот центар М6 во Скопје.