ДВЕ ИНФОРМАТИВНИ СЕСИИ ЗА ПОВИКОТ ЗА СТИПЕНДИИ
Цивика мобилитас ќе одржи две информативни сесии за повикот за мали грантови за стипендии, и тоа во Скопје на 22 јуни 2016 г.(среда) со почеток во 12 часот во просториите на МЦМС и во Битола на 24 јуни 2016 г. (петок) со почеток во 16.30 часот во Порта џез.
Малите грантови за стипендии треба да им овозможат на докторандите да ги спроведат своите задолжителни оригинални истражувања за докторската дисертација со кои ќе соберат, создадат и споделат знаење за поврзаноста и/или улогата на граѓанското општество во една од следните теми/области: родовите прашања, меѓуетничките односи, миграцијата, доброто владеење, децентрализацијата или општо развојот на граѓанското општество; како и нивното практикување во самото граѓанско општество.
Времетраењето на грантовите може да биде од 12 до 24 месеци, а грантот од 100.000 до 200.000 денари. Краен рок за пријавување е 30 јуни 2016 г. до 14 часот (по електронска пошта). Повеќе информации за повикот може да се најдат на: http://www.civicamobilitas.mk/mk/komponenti/2/cm-fel-01.
Здружението на новинарите на Македонија, светскиот ден за човекови права 10-ти декември го одбележа со тематски форум на тема: „Безбедноста и слободата на новинарите во Македонија“. На настанот учествуваа министерот за внатрешни работи Оливер Спасовски, министерката за информатичко општество Марта Арсовска Томовска, Народниот правобранител Иџет Мемети, а во работниот дел свои излагања имаа новинарот Томислав Кежаровски, претседателката на новинарскиот синдикат Тамара Чаусидис, директорката на Советот за етика Марина Тунева, раководителката на програми на МИМ Весна Никодиноска и првиот човек на ЗНМ, Насер Селмани.
Користењето на социјалниот маркетинг за целите на граѓанските организации беше главната идеа на воведната работилница на оваа тема што се одржа на 20 и 21 април 2016 година во Скопје. На работилницата учествуваа дваесетина претставници на грантистите на Цивика мобилитас, а ја водеше Сајмон Форестер, меѓународен експерт на програмата.
