На 10 јуни 2015 година, во Домот на културата „Трајко Прокопиев“ во Куманово, под мотото „Твој простор, твој глас“, се одржа првиот регионален форум на Цивика мобилитас. Триесетина претставници на граѓански организации и граѓански активисти од североисточниот регион, го искористија „отворениот простор“ што им го нуди регионалниот форум да разговараат на теми на кои сметаат дека треба да се работи за да се предизивикаат општествени промени.
Под мотото „Твој простор, твој глас“, од 10 јуни оваа година, започнуваат Регионалните форуми за соработка на програмата Цивика мобилитас. Првиот од вкупно осумте форуми ќе се организира во Куманово, во Домот на културата „Трајко Прокопиев“, со почеток во 10 часот.
Крајниот рок за поднесување пријави за повикот за акциски грантови на Цивика мобилитас, реф. бр. ЦМ-АКТ-01 е среда, 20 мај 2015 г. до 16 часот. Канцеларијата на МЦМС ќе биде отворена за прием на пријавите од 9 до 16 часот на 20 мај 2015 г.
Цивика мобилитас, на 5 мај 2015 година ги промовираше првите 16 грантисти во новата фаза на програмата. Добитници на институционални грантови се: Полио плус; Меѓаши; Хелтгрупер самит; ЦОРЗ – Дебар; Солидарност; ИЗБОР – Струмица; ЗНМ; АДИ – Гостивар; Центарот за граѓански комуникации; „Флоренс Најтингел“ – Куманово; Организацијата на жени на општина Свети Николе; Фондацијата за развој на локалната заедница Штип; АНИМА МУНДИ; ЦИВИЛ; КХАМ Делчево и ЦРЗ Кичево.
Тимот на Цивика мобилитас со задоволство Ве поканува на настаните што ќе се одржат на 5 мај (вторник) 2015 година од 10.00 до 16.00 часот во Младинскиот културен центар (МКЦ) во Скопје.
На 30 март 2015 година, во МЦМС се одржа првиот информативен состанок со добитниците на институционални грантови од програмата Цивика мобилитас.
Како што беше најавено, Цивика мобилитас го заокружи процесот на оценка, а со тоа и селекцијата на организациите потенцијални добитници на финансиската поддршка. Предселектирани се 16 организации со кои, по финализирањето на плановите ќе се потпишат договорите за поддршка.
Заврши проверката на административна усогласеност и подобност за пријавите за институционални грантови од програмата Цивика мобилитас. Пријавените организации се од сите осум плански региони и се активни во најголем дел од стратешките сектори на програмата. Меѓу нив има организации активни на локално, регионално, национално и на меѓународно ниво, а во поглед на искуството, тоа се движи од над 20 години до организации кои се основале минатата година.
Крајниот рок за поднесување пријави за повикот за институционални грантови на Цивика мобилитас, реф. бр. ЦМ-ИНС-01 е понеделник, 26 јануари 2015 г. до 16 часот. Канцеларијата на МЦМС ќе биде отворена за прием на пријавите од 9 до 16 часот на 26 јануари 2015 г.
Од 15 до 19 декември 2014 година се одржаа седум информативни сесии посветени на Цивика мобилитас општо, но пред сѐ на првиот повик за институционални грантови. Повеќе од 350 претставници на над 300 граѓански организации од цела Македонија на информативните сесии во Струмица, Штип, Делчево, Скопје, Битола, Струга и Гостивар имаа можност да слушнат повеќе за програмата и за начинот на пријавување на првиот повик.