Информативна сесија за повикот за институционални грантови
Објавен е вториот повик за институционални грантови во рамки на Цивика мобилитас.
За таа цел ги каниме заинтересираните здруженија, фондации и сојузи да учествуваат на онлајн информативната сесија која ќе се одржи на 12 мај 2020 година со почеток во 14 часот. Сесијата ќе се одвива преку платформата Microsoft Teams, а линкот за пристапување ќе го објавиме во 13 часот на веб страната и фејсбук страната на Цивика мобилитас.
Тимот на програмата подетално ќе информира за повикот, за тоа што се очекува од овој тип на грантисти, кои трошоци се подобни и што содржи пријавата. Исто така, ќе одговори и на прашањата и/или дилемите кои произлегле од подготовката на вашата апликација.
Прашањата можете предвреме да ги поставите на helpdesk@civicamobilitas.mk или за време на самата информативна сесија и истите ќе бидат одговорени во живо.
Повикот за институционални грантови е отворен до 1 јуни 2020 г.
„Импресионирана сум од големиот број луѓе што ги гледам овде, бидејќи тоа е јасен индикатор дека Цивика мобилитас расте“, рече амбасадорката на Швајцарија во Македонија, Сибил Сутер Тејада на отворањето на втората по ред средба за вмрежување на Цивика мобилитас што се одржа на 15 ноември 2016 година во хотелот Дрим во Стуга.
